موقع الأستاذ الدكتور / فهد بن حمود العصيمي

ما شاء الله تبارك الله

مهداة إلى نفوذ الزلفي

ياما حلا منظر النـــفدان
واللون الأحمر على الطعسان
 
بالزلفي من صوب غربية
خلاه يشبه لورديـــة
 
لا نزل خير من الرحمن
لاظهر عشبه على السيقان والعاذر
أطول من الذرعان
ريح الهوا صاف وجذلان
ودك تشوفه مع إمسيان
ياما حلا منظره فتــــــــان
 
زاد البها ميه بمية
لاتنسى الأرطي وحمضية
فيه الذعالق وسبطية
لا هبت غرب وشرقية
والشمس من فوق علوية
ويزيل هم الحساسية
 
ياما حلا منظر الرعيان
لا جا لـه مهموم وحيران
ودي بشوفه وأنا ولهـــان
 
لا سرحت في مفالية
عادت لـه النفس مرضيه
يا ليتني نـــازل فيـــــــــه
 
ياما حلا ريحة الحطبان
ريح الحطب يشبه الريحان
ياما حلا القرص بالنيران
ياما حلا صبة الفنجــــــان
 
لا صارت النار محمية
والعنبر اللي بهندية
وانقلبه فوق سافية
من قهوة وشاي محليــــة
 
واللحم يشوى على الصيخان
واللي معك كلهم نشمان
ولا صرت مهموم وحزنان
 
لحم الغنم صنف نجدية
والواحد منهم عن المية
سير على أديار زلفيــــــــة
 
تلقى الكرم والوفا سيان
وصلاة ربي عدد ما كـــان
 
فيهم أديانة ونشميـــــــــة
على النبي واخلصوا النية